Friday, 2017-12-15, 9:15 AM
My site
Welcome Guest | RSS
Main | தமிழ் பாப்பா பாடல்கள் | Registration | Login
Site menu

Section categories

உலக அதிசங்கள்

தமிழ் பாப்பா பாடல்கள்

நிலா நிலா ஓடிவா
நில்லாமலே ஓடிவா
மலைமேலே ஏறிவா
மல்லிகைப்பூ கொண்டுவா
 

நடுவீட்டில் வை
நல்லதுதி செய்
தத்தி தத்தி ஓடிவா
தம்பியோடு ஆடவா

--------------------------------------------------------------------------------

அம்மா அம்மா என்னம்மா

அழகாய் முத்தம் தந்திடுவாய்

கண்ணைப் போல என்னையே

காக்கும் கருனை தெய்வம் நீ

அம்மா நானும் வளர்ந்திடுவேன்

உலகம் எல்லாம் புகழ்ந்திடுவேன்.

--------------------------------------------------------------------------------

குள்ள குள்ள வாத்து
குவா குவா வாத்து

மெல்ல உடலைச் சாய்த்து
மேலும் கீழும் பார்த்து

செல்லமாக நடக்கும்
சின்ன மணி வாத்து
--------------------------------------------------------------------------------
சின்னச் சின்னப் பூனையாம்
சீறிப் பாயும் பூனையாம்


கன்னங்கரியப் பூனையாம்
கருப்பு மீசைப் பூனையாம்


இரவில் சுற்றும் பூனையாம்
எலியைப் பிடிக்கும் பூனையாம்


புலியைப் போன்ற பூனையாம்
புத்திசாலிப் பூனையாம்
--------------------------------------------------------------------------------
மாம்பழமாம் மாம்பழம்
மல்கோவா மாம்பழம்

சேலத்து மாம்பழம்
தித்திக்கும் மாம்பழம்

அழகான மாம்பழம்
தங்கநிற மாம்பழம்

உங்களுக்கு வேண்டுமா
இங்கே ஓடி வாருங்கள்
பங்கு போட்டுத் தின்னலாம்
--------------------------------------------------------------------------------
தோசை அம்மா தோசை

அரிசி மாவும் உளுந்த மாவும்

கலந்து சுட்ட தோசை

அப்பாவிற்கு நான்கு

அண்ணனுக்கு மூன்று

அக்காவுக்கு இரண்டு

பாப்பாவுக்கு ஓன்று

சீனி நெய்யும் சேர்த்து

கூடி கூடி உண்போம்
--------------------------------------------------------------------------------

பச்சைக்கிளியே வா வா
பாலும் சோறும் உண்ண வா
கொச்சி மஞ்சள் பூச வா
கொஞ்சி விளையாட வா
கவலையெல்லாம் நீங்கவே
களிப்பெழுந்து பொங்கவே
பவள வாய் திறந்து நீ
பாடுவாயே தத்தம்மா
பையப் பைய பறந்து வா
பாடிப் பாடிக் களித்து வா
கையில் வந்து இருக்க வா
கனி அருந்த ஓடி வா

--------------------------------------------------------------------------------

நிலா நிலா ஓடி வா
நிலாமல் ஓடி வா


மலை மீது ஏறி வா
மல்லிகைப் பூ கொண்டு வா


வட்ட அட்ட நிலவே
வண்ண முகில்ப் பூவே


பட்டம் போல பறந்து வா
பம்பரம் போல சுற்றி வா
--------------------------------------------------------------------------------
பொம்மை பொம்மை பொம்மை பார்
புதிய புதிய பொம்மை பார்


கையை வீசும் பொம்மை பார்
கண்ணைச் சிமிட்டும் பொம்மை பார்


தலையை ஆட்டும் பொம்மை பார்
தாளம் போடும் பொம்மை பார்


எனக்கு கிடைத்த பொம்மை போல்
ஏதும் இல்லை உலகிலே
--------------------------------------------------------------------------------

எங்கள் வீட்டு நாய்க்குட்டி
நன்றி உள்ள நாய்க்குட்டி


வெள்ளை நிற நாய்க்குட்டி
துள்ளி ஓடும் நாய்க்குட்டி


குட்டி பாப்பா தன்னோடு
குதித்து ஆடும் நாய்க்குட்டி


கண்ணைப் போல வீட்டையே
காவல் காக்கும் நாய்க்குட்டி

--------------------------------------------------------------------------------

அணிலே அணிலே ஓடி வா
அழகிய அணிலே ஓடி வா

கொய்யா மரம் ஏறி வா
குண்டு பழம் கொண்டு வா

பாதி பழம் உன்னிடம்
பாதி பழம் என்னிடம்

கூடிக் கூடி இருவரும்
கொறித்து கொறித்து தின்னலாம்

Tag Board

Statistics

Total online: 1
Guests: 1
Users: 0

Copyright MyCorp © 2017 Site managed by uCoz